Leik
Den første veka har vore roleg og fin med mykje leik. Kjekt å bytte ut litt leiker; perling har blitt erstatta av kitt, dyr har blitt erstatta av barbie og biler har blitt erstatta av jovo.
Julegåver
Marihønene nede og Sommarfuglane laga skilpadder av trolldeig i julegåve til foreldra, Sjiraffane laga peppernøtter som dei la oppi eit reinsdyrglas og Revane laga ugler av naturmateriale.
Snø 🙂
Endeleg fekk me litt snø! Kjempe kjekt å skli på rumpeakebrett, laga snøballar, laga snøkaker, rulla i snøen og laga snømann.
Pepperkakebaking på sjukeheimen.
Fire gutar frå nede og to gutar frå oppe fekk vera med å baka pepperkaker og pynta pepperkakehus på sjukeheimen; såg ut som store og små kosa seg.
Framføring av julespelet på sjukeheimen.
Sjiraffane og Revane var på sjukeheimen og framførte julespelet som dei har øvd på i fleire veker. Ungane er kjempe flinke; dei kan både replikkane og songane utenatt og står åleina framfør publikumet og snakkar i mikrofon! Temaet i barnehagen i år er Torbjørn Egner, og det kjem godt til syne i denna førestillinga; familien Juleglad får blant anna besøk av Karius og Baktus, tante Sofie og politimester Bastian.
Lesestund og rolleleik
Matlaging
Kos, leik, lesing
Tur i nærmiljøet
Rolige stunder
Natur, miljø og teknikk
Ein dag tok me med oss noko tang frå Pilavika tilbake til barnehagen for å gjera eit ekperiment; kva skjer når me tømmer kokande vatn over tangen?
Nærmiljø og samfunn
Ivrige ungar som hjelper til med å bæra boset inn i varebilen.
Kunst, kultur og kreativitet.
Kommunikasjon, språk og tekst.
Sommarfuglane og marihønene nede har dialogisk lesing av boka Snøhumla Mille.
Kommunikasjon, språk og tekst.
Etikk, religion og filosofi.
Kunst, kultur og kreativitet.
Tal, rom og form.
Mange som syns det er veldig kjekt å perla no. Dei sorterer etter fargar, tel og perler ulike mønster og former både etter fantasi og etter teikning.
Tal, rom og form.
Kropp, helse og rørsle.
Då me gjekk tur i nærmiljøet fredag var det isen på sølepyttane og den glatte vegen som fanga interessen til ungane; veldig kjekt å lata som ein går på skøyter og detta ned.
Tysdag reiste sjiraffane på besøk til blekksprutane, som er dei eldste barna i Ylvisåker barnehage.
Gymsalen
Først fekk me vera med dei på ei økt i gymsalen; der fekk me inspirasjon til aktivitetar me kan ta med oss tilbake i Askedalen barnehage. Me fekk vera med på ulike leikar med høgt tempo og fokus på tal, rom og form.
Uteområdet i barnehagen
Etterpå fekk me leika ute i Ylvisåker barnehage; kjekt å utforska eit nytt uteområde. Det var eit variert terreng med stubbar i ulike høgder til å balansera på, steinar i ulike størrelsar til å klatra på og små bekker som rann til å laga demningar i.
Bensinstasjon
Sjiraffane syns det var veldig kjekt å leika med bensinpumpa; kanskje det blir neste gjenbruksprosjektet i barnehagen vår..
Lunsj i lavoen
Det var koseleg og varmt å sitta rundt bålpanna i lavoen og eta god betasuppe til lunsj.
Tur i skogen
Etter lunsj fekk me sjå uteområdet dei har utanfor barnehageporten. Det var eit spennande og utfordrande område ved fjorden med skog, ulent terreng og fjellknausar.
Leik inne i barnehagen
Til slutt leika me litt inne før me køyrde tilbake til «byen» som ungane kalla Leikanger etter me hadde vore i Norane ;-).
Fredag hadde me vår tradisjonelle FN-basar i barnehagen til inntekt til Barnehjelp Afrika; tusen takk til alle som bidrog til at dette vart ein flott dag!
Ivrige og flinke hjelparar.
Ungane har vore med å laga gevinstar til basaren, laga plakatar, pynta og sjiraffane tok betalt for gryterett, sveler, kaffi og saft og hjalp til med loddsalget.
Mange flotte gevinstar.
Kunstutstilling
Nytt i år var den flotte kunstutstillinga; alle ungane hadde laga eit kunstverk som foreldra kunne kjøpa for ein valgfri sum 🙂
Haustkunst
Perla epler
Det var òg tippekonkurranse og quiz i år 🙂
Store og små kosa seg på basaren.
Mange flinke kokkar.
Det er veldig kjekt å laga mat ute; ungane er interesserte og ivrige etter å hjelpa til, og dei kosar seg med å sitta rundt bålet og venta på at maten skal bli klar.
Lapskaus
Me delte opp pølser, poteter, sellerirot, persillerot og blanda det saman med frosen lapskausblanding og kjøtbuljong. Mange av ungane syns lapskausen vart veldig god 🙂
Pærer
Me plukka søte og veldig gode pærer på Njøs; dei steikte me med smør, kanel og litt sukker på og åt til dessert 🙂
Klatra, krabba, balansera, hoppa.
Barn skal få utforske og oppdage nærmiljøet sitt (Rammeplanen, 2011:47).
Det er mykje spennande å oppleva og erfara i nærmiljøet; ved sjøen fann me tang som me kunne kjenna på, tulla med og kasta ut i sjøen. På bakken i barnehagen fann dei store epler som dei tok med på tur; sjølvplukka epler smakar ekstra godt!
Ser på utsikten over Hafslo og Hafslovatnet 🙂
Måndag reiste sjiraffane på tur til Hafslo. Me gjekk først ein tur frå Hestnes til pumpehuset på gamlevegen til Solvorn; der skreiv me oss i turboka.
Tur i skogen, leik på Gråtass og lunsj heima hjå meg.
På veg tilbake hadde me ein leikestopp ved Gråtass. Me åt nistepakken vår heima hiå meg. Etterpå leika dei litt ute før me køyrde til Gamlestova barnehage. Me fekk lov til å leika ute der; alltid kjekt med nye leikeplassar.
Leik ute i Gamlestova barnehage.
På veg tilbake til Askedalen barnehage stoppa me i Sogndal for å få ein omvisning på politistasjonen. Det var ein spent og ivrig gjeng som fekk sitta i politibilen, høyra sirena, sjå blålys, prøva håndjern og alle torde å gå inn i arresten.
Omvisning på politistasjonen i Sogndal.
I bilen til og frå Hafslo hadde me gode samtalar og undringar om det me såg langs vegen, det me skulle oppleva og hadde opplevd.
Sette garn.
Tysdag var sjiraffane med to frå jakt-og fiskelaget ut på fjorden og sette garn.
Tok opp garn.
Onsdag var det ein spent gjeng som fekk vera med ut att på fjorden for å ta opp garna me sette tysdag. Det var ivrige, entusiastiske og litt nervøse ungar som drog opp den eine pigghåen etter den andre, og fylte to kassar med hai!
Litt av fangsten.
Skulekameratane frå Askedalen, Henjahaugane og Nybø barnehage hadde ein kjempe kjekk dag i Nybøstranda saman med Jakt- og fiskelaget.
Kråkebolle, krabbe og sjøstjerner.
Det var spennande og lærerikt å få nærkontakt med fisk, krabber, kråkeboller, sjøstjerner og hai; alle sjiraffane prøvde å halda ein eller fleire av dei 🙂
Matlaging
Ungane følgde interesserte med på sløying av fisk og tilbereding av lunsjen.
Lunsj
Me fekk smaka krabbe, kveita, torsk og makrell som var tilberedt på bålet.
Fredag hadde me felles songsamling nede og sang mange Torbjørn Egner (felles tema bhg-året 2016/17)sangar.
Etterpå leika alle ungane saman nede. Det vart servert mykje god mat, og dukkene vart tatt godt vare på 🙂
Medan nokre leika rolleleik leika andre med konstruksjonsleiker som duplo og togbana.
Plukka epler i hagen.
Måndag baka sjiraffane og marihønene frå avd. Oppe eplekaka. Først gjekk me ut i hagen og fann epler frå bakken som me kunne bruka i kaka. Me måtte forta oss inn att før eplene vart ete opp 😉
Bake, bake kake..
Ivrige ungar var med å delte epler, tok oppi egg, rørte og strødde på kanel.
Eplekaka
Viktig å smaka 😉
Leik, tur, lesing.
Me har hatt ein fin oppstart på småbarnsavdelinga med mange nye 1-åringar. Dagane er varierte og tilpassa vèr og barnegruppa. Me har vore på turar i nærmiljøet, leika mykje både inne og ute, hatt mange lesestundar og songsamlingar.
Samspel
Songsamling
Songsamlingane er kjekke og skaper fellesskap. Song er ein viktig del av språkstimuleringa og kulturformidlinga i barnehagen.
Plommer på Njøs.
Tysdag er turdag på avd. Nede; denna veka gjekk me til Njøs. Tre av 2-åringane var med oss òg. Me plukka og åt masse gode plommer, klatra i tre og bakkar, leika med dei store traktorane, sklei i sklia og leika rolleleik i gapahuken. Det smakte godt med påsmurde skiver til lunsj.
Førskulegruppa
Fredagar har sjiraffane førskulegruppa etter morgonsamlinga; då får dei ulike oppgåver med tal, bokstavar, fargar o.l. Me samtalar om det dei teiknar, oppgåvene dei løyser, skulen, skulekamerattreffa og mange andre ting. Dei er ivrige og konsentrerte.
Varmmat
Denna veka hadde me varmmat to dagar. Torsdag hadde me havregrøt med rosiner, blåbær, jordbær og kanel til. Fredag hadde me bursdagsbarn på avdelingen; då vart det nachos til lunsj.
Me har hatt ein fin start på det nye barnehageåret med solskinsdagar og mykje uteleik. Tysdag gjekk heile avd. Nede på tur til Pilavika. Mykje spennande å utforska der med alle sansane; kaldt vatn, glatte svaberg, tanglopper, steinar i ulike størrelsar og former som lagar små og store plask når ein kastar dei uti vatnet.
På det nye nettstedet www.nullmobbing.no finner barn, unge og foreldre informasjon og råd om mobbing og deres rettigheter (Utdanningsdirektoratet).
Sjiraffane 2015/16 avslutta barnehagetida si med ein lærerik og kjekk tur til SIMAS. Dei vart tatt kjempe godt imot av engasjerte tilsette ved SIMAS. Først hadde dei eit undervisningsopplegg inne og fekk blant anna sjå litt film om sortering og helsa på den store elefanten som ein gong vart redda frå å bli bos.
Etterpå fekk dei omvisning på dei ulike sorteringsanlegga. Sjiraffane hadde med seg bl.a. kle og batteri som dei sorterte.
Veldig stas å få sitta på i stor buss til og frå Kaupanger!
Sommarfuglane, Revane og Sjiraffane tok buss til Kaupanger, medan 3-åringane sat på i bilar. Sjiraffane vart køyrd i stor buss heilt opp til SIMAS, og hadde ein veldig interessant og kjekk omvisning der.
Først leika Revane og Sommarfuglane på leikeplassen.
Kjempe kjekk eventyrstund i eit 300 år gamalt hus.
Gardskona Anna tok oss med tilbake til gamledagar. Ho fortalde om korleis dei levde for 300 år sidan og viste oss noko av utstyret dei brukte for å laga seg mat og kle. Ho fortalde eventyret om Mannen som ville stella heima på ein levande og spennade måte, og fenga små og store 🙂
Nærkontakt med hest, sauer og grisar.
Etterpå fekk me vera med bonden å mata dyra på garden. Dei har grisar, sauer, hest, høner, hane og kyr.
Mating av høner.
Stas å få mata kalvane 🙂
Spennande tur i eventyrskogen.
Me gjekk òg ein tur i eventyrskogen og ungane dramatiserte eventyret om Bukkene bruse.
Etter lunsj var me inne og såg på barneutstillingen; der var det òg leiker som gyngehestar, klossar og lafteklossar som me kunne leika med 🙂
Balanseløypa
Onsdag laga me ei balanseløypa som både små og store gjerne ville prøva.
1. «Bææ, mat!» 2. Insekt 3. Frosk
Natursti
Me delte oss inn i aldersblanda grupper med 2-, 3-, 4- og 5-åringar og gjekk natursti i ulendt og utfordrande terreng. Ungane svarte på ulike oppgåver som Kva heiter lillesøstera til Emil i Lønneberget? og Kva kjenner du oppi sanseposen?
Dei smakte på granskudd og konkluderte med at det smakte surt.
Tur til Frækaland
Tysdag gjekk alle på tur før lunsj. Sjiraffane gjekk til Lauparfjellet, Revane, Sommarfuglane og 3-åringane gjekk til Frækaland, medan 2-åringane gjekk tur i området rundt Jakt- og fiskehytta.
Frækaland
Me fann mykje spennande å utforska på tur; blant anna eit tre som bøygde seg og laga ein stor og ein liten tunnel, mange kjuker (soppar) som danna ei trapp på treet, og trerot som såg ut som ein dinosaur.
Mykje spennande i naturen
Filosofering
Etter lunsj hadde ei lita gruppa litt filosofering om kva ein kan bruka kjuken (soppen) til; det var mange gode forslag som ein krakk, eit helikopter og ei trillebår. Medan me sat og filosoferte om kjuken kom det eit insekt flygande som fanga merksemda. Ungane hadde ulike tankar om insektet; ein tenkte at insektet elska folk sidan det satte seg på ein av oss, medan ein anna tenkte at den hang oppned som ei flaggermus og ei tenkte at namnet på insektet kunne vera klatreflyging.
Filosofering
Frosk
Me fann ingen frosk i froskedammen i år, men nede i myra fann me både rumpetroll, ein babyfrosk og ein større frosk. Nokre av gutane ville prøva å kyssa frosken for å sjå om den vart til ei prinsessa; det var nokre overraska ungar som oppdaga ei prinsessa nede i myra i dag tidleg.. 🙂
Insektsfangar
Revane fekk låna med seg ein insektsfangar frå Slinde forrige veka; den testa me på både bar- og løvtre. Me fekk snegle, edderkoppar, larver m.m. som me studerte i forstørringsglas. Etter å ha studert dei litt slapp me dei fri.
Målar
Stigespelet
Me laga stigespel av ting me fann rundt oss, brukte store terningar og ungane var sjølve brikkene. Kom dei til eit plussteikn med 3 ting kunne dei gå tre plassar fram, medan dei måtte gå tre plassar tilbake viss dei kom på minusteikn med 3 ting. Me hadde òg «stige» som dei kunne vera uheldige å detta ned eller dei kunne vera heldige å klatra opp.
Stigespelet
Sauer og naturvev
På Kleppa går det mange sauer og lam på beite; spennande å få nærkontakt med dei 🙂 I dag laga nokre av ungane Nede naturvev; ungane Oppe såg på det ferdige resultatat då dei kom att frå tur.
Froskedammen
Alle ungane Oppe gjekk på tur til froskedammen i dag. Me hadde med oss tre håver og alle var flinke til å venta på tur. Me fann ingen froskeegg, rumpetroll eller froskar, men det var kjekt å fiska gras og mose med håv. Og til slutt fekk ein av ungane ein vannymfe som alle fekk sjå på.
Kleppa
Ungane Oppe laga flotte kunstverk ein morgon; me hang dei til utstilling ute på veggen. Dei brukte fargane grøn, rød og gul og syns det var spennande å sjå at dei kunne laga nye farga ved å blanda. Dei laga lilla, oransje og svart. Det vart mala spøkelser, fotspor og regnboger.
Båttur
Det var veldig kjekt og spennande å køyra båt til Slinde. Me fiska litt, men hadde ikkje fiskelykka.
Slinde
Då me kom fram til Slinde gjekk me ein liten tur. Me hadde fått nokre oppdrag frå Ugla til duggleturen vår. Me skulle bruka sansane våre til å:
Hjerteform
Me fann hjerteforma blad og hjerteformer på fjell.
Blomster
Me fann surblad som smakte surt, rødkløver som smakte søtt og hundekjeks som lukta godt.
Huldrasteinen
Me traff nokon som fortalde at de budde hulder inni denna store steinen; då måtte me prøva å banka på og lytta om me høyrde huldra og sjå om ho sprang ut, men dessverre so var ho nok folkesky.
Insekter
Me fekk sjå spennade insekter som Gunvor hadde fanga til oss med insektsfangaren i frukttrea; blant anna bærfisen (tege). Og so fekk me smaka den kjempe gode eplejusen dei lagar der.
Lunsjpause
Dagen etter turen studerte me nærmare insektene me fekk med oss frå Slinde; me holdt dei, talde beina, såg på fargane og prøvde å finna namna på dei.
Alle revane teikna etterpå eitt av insekta me hadde finne; 2 teikna frostmålar, 3 teikna bærfis og 3 teikna edderkopp.
Oppdrag frå Ugla til naturvaktane.
Revane fekk eit nytt oppdrag frå Ugla då dei skulle gå lang tur og sjå husa til tre av Revane; dei skulle finna fem ulike blomster og plukka bos dei fann langs vegen. Revane var som vanleg veldig ivirige og flinke naturvakter og tok oppdraget på alvor 🙂 Dei fann blant anna blomstrane jonsokkoll, forglemmegei, marikåpe og engsmelle.
Flott tur.
Nærkontakt med lamma.
På veg tilbake til barnehagen stakk me innom Henjahaugane og fekk leika litt ute hjå dei. Me fekk òg nærkontakt med lamma; dei var nysgjerrige og svoltne 🙂
Fredag gjekk Revane, Sjiraffane og alle Oppe til kyrkja. På vegen plukka me fine markblomster. Askedalen, Henjahaugane og Nybø bhg var inviterte til blomstergudsteneste. Me pynta kyrkja med blomster, var med å fortalde historia om skapinga og song fine songar som Kven har skapt alle blomane, Alle fugler små og Eg har to hender.
Etterpå åt alle tre barnehagane i Skrivargarden og leika der.
Nokre av ungane spelte Lotto ein morgon. Dei øvde seg på å venta på tur, trekka berre eitt kort om gongen, sei kva som var på bilete og finna bilete på brettet.
Ein dag tok me med oss lunsj og gjekk bort i parken ved elva. Me hoppa på trampolina, balanserte, sprang rundt, plukka løvetann og blåste frøa, klatra opp bakken og aka på rumpa ned att.
Fin tursti.
Torsdag var det tid for skulekamerattreff igjen. Alle 6-åringane frå dei tre barnehagane møttes på parkeringsplassen ved Sanden; frå der skulle me gå til Bjørgahaug.
Flott utsikt frå Bjørgahaug!
Det var ein kjempe flott og kjekk tur på fin sti. Dei som kom først på toppen brukte 50 minutt opp og dei som kom først ned brukte 30 minutt ned.
Leik
Det smakte veldig godt med nistepakke på toppen. Etterpå var det god tid til å leika både rolleleik, gøymsel og springa og hoppa frå tua til tua.
Forrige veka var sju av ungane på avdeling Oppe på tur til Edderkopphuset. Det var mange vårteikn å utforska på vegen; me såg mange sauer og lam, lukta på løvetann, smakte på surblad, kjente på det kalde vatnet og balanserte over den sildrande bekken.
Kjekt og utfordrande å gå i ulent terreng.
Me fann ein edderkopp og eit nett i Edderkopphuset:-)
Sløyer makrell.
Onsdagar pleier me å ha matprosjekt; ei lita gruppa med ungar frå Nede og Oppe er att i barnehagen saman med to vaksne og lagar ulike matrettar medan resten er på gym. Forrige onsdag var me so heldige å få besøk av to damer som ville ha Fiskesprell kurs med oss. Det vart laga makrell i tomat, seifiskepinnar og laks og grønsaker i form; mykje god mat. Til frukt laga dei kjempe god smoothie 🙂
Ungane kutter opp fisk og grønsaker.
Revane og 3-åringane Oppe gjekk på tur til Edderkopphuset; me skulle sjå om småkrypa hadde vakna til live.
Ungane var veldig ivrige og interesserte; me løfta på steinar og fann makkar, edderkoppar, maur, skolopender og skrukketroll.
Me hadde med boka Bli en naturforsker; kjekt å finna dei i boka og finna ut meir om til dømes makken.
Fin tur i ulendt terreng, leik i skogen og lunsj på Njøs.
Måndag gjekk avd. Oppe ein tur bort i parken. Me gjekk opp ein bratt bakke for å sjå, kjenna og lukta på dei fine krokusane som var kvite, lilla, gule og stripete.
Me var òg borte ved elva og kasta stein uti. Hoppa på trampolina var veldig kjekt 🙂
Skitur
Fredag før påske hadde heile avd. Nede + dei eldste Oppe skidag på Kleppa. Ungar og vaksne storkoste seg i snøen med skiaktivitetar, leik , skattejakt og aking 🙂
Læring gjennom leik og fysisk aktivitet: Skiskyting – auge-handkoordinasjon. Lotto – omgrep og logisk tenking.
Me starta dagen med frileik. Då alle var komne samla me oss og delte oss i grupper. Ei gruppa gjekk ein liten skitur, andre hadde skiskyting der dei kasta ballar på blink, tredje hadde biletelotto medan fjerde hadde terningspel med spørsmål, og so rullerte me litt rundt på dei ulike stasjonane.
Terningspel – talde kor mange prikkar dei fekk til saman på terningane og fann ut kva spørsmål dei skulle svara på.
Skattejakt
Til lunsj smakte det godt med pølser i brød/lompa og varm saft; det var godt med ein pause inne i skihytta. Pulverheksa hadde skrive brev til oss og laga skattekart; ho hadde ei overrasking til oss. Nokre gutar tok ansvar og viste veg medan resten av gjengen følgde spente etter..
Påskeegg
Etter nokre bomturar fann dei til slutt eit stort påskeegg under eit stort tre! Pulverheksa ville ønskja oss god påske med eit påskeegg fult av godteri 🙂
Kos i sola
Etter skattejakten var det tid for meir leik og aking i snøen.
Påskepynt
Før påske hadde me påskeverkstad der ivrige og kreative ungar laga flotte kyllingar og harar til å pynta med heima.
Påskepynt
Påskelunsj
Ein fin tradisjon me har i Askedalen barnehage er at presten kjem på besøk og fortel forteljinga frå Bibelen om påsken og viser bilete på storskjerm. Me sang òg songane Måne og sol, Mine hender er fulle av blomar, Eg har to hender og Ein liten kylling. Presten åt god påskelunsj saman med oss.
Hoppar i snøen.
Skulekameratane i Leikanger hadde ein super skidag i strålande vinterver på Kleppa forrige tysdag: veldig kjekt å treffast på tvers av barnehagane.
Aking og skigåing.
Me hadde med rumpeakebrett og dei fleste hadde med ski.
Snøborg
Ungane fann ei snøborg som hadde mange rom; kjekt å leika i og bygga meir på.
Samling, lunsj, gåtur.
Kvar gong skulekameratane treffast samlast me for ein namnesong eller me berre seier kva me heiter, og informerer om planane for dagen. Til lunsj åt me grilla pølser i lomper/brød. Me gjekk frå Kleppa og ned att i barnehagen. På veg ned att var det mykje spennande å sjå på og samtala om; blant anna reve- og harespor.
Ein gong i månaden treffast skulekameratane, dei eldste frå alle tre barnehagane, for bli å litt kjent før dei skal begynna i same klasse. I februar hadde me treffet på Ingaflaten. Me kosa oss med nistepakke og varm drikka, hadde frileik i skogen og ei hinderløypa der dei skulle finna talrekka frå 1 – 20 i tillegg til ulike motoriske utfordringar.
Avdeling Oppe malar.
Avdeling Oppe mala flotte vinterbilete til utstillinga i Saften på den fleirkulturelle dagen (dei er no utstilt på biblioteket).
Avdeling Nede malar Katta i sekken.
Små og store hadde kledd seg ut.
I februar var høgdepunktet karnevalet; det var kjempe stas å få kle seg ut som ein i Astrid Lindgren sine historiar. Og so flott å sjå alle, både avdeling Oppe og Nede, stå på scena og framføra det dei hadde øvd på.
Sjiraffane starta med å fortelja om Astrid Lindgren og viste bilete på storskjermen. Avdeling Oppe framførte songen Lille katt. Sommarfuglane dramatiserte scener frå både Emil og Pippi. Revane presenterte kva rolle dei hadde i filmen Ronja Røverdatter som hadde premiere på karnevalet.
Etter framføringane song me songar frå Emil og Pippi; alle ungane kunne tekstane godt og song høgt og fint 🙂 Me åt lapskaus til lunsj og slo katta ut av sekken etterpå.
Leik i snøen på Njøs.
Me har dessverre ikkje hatt so mange dagar med snø, men dei dagane me har hatt har me nytta godt 🙂 Me har gått på ski, aka, laga snømenn, skulpturar og englar.
Leik på Njøs.
Me har hatt ein roleg og fin januar med mykje leik ute og inne, nokre turar i nærområdet, songsamlingar, lesestunder, gym og grupper med Astrid Lindgren om tema.
Konstruksjonsleik, rolleleik og speling.
Barn lærer og utviklar ein samansett kompetanse gjennom leiken. Ved å «late som» går barn inn i si eiga førestellingsverd, tek perspektivet til andre og gir form til tankar og kjensler (Rammeplanen, 2011:32).
Revane på tur til Njøs og nokre gutar på aketur til parken.
Alltid like stas når det endeleg kjem litt snø! Her lagar dei snøenglar og Mattisborga frå Ronja Røverdatter.
Kjekt med vatn òg 😉
Hoppa i søledammar på veg til butikken er kjekt!
Uteleik og uteaktivitet er ein viktig del av barnekulturen som ein må ta vare på, uavhengig av geografiske og klimatiske forhold. Barna bør få impulsar og inspirasjon til leiken gjennom opplevingar i nærmiljøet (Rammeplanen, 2011:32).
Og etter snø og regn kjem søla 🙂
Lesestund om morgonen
Super motorisk trening for dei minste; tur til Njøs, leika med traktor, sklia, klatra/rulla i bakken og leika «trollet i gulekassen».
Fredag gjekk heile Askedalen barnehage på tur til sjukeheimen. Kjekt å sjå kor flinke til og med nokre av 1-åringane er til å gå på tur; fleire av dei gjekk deler av vegen.
Me hadde med oss lussekattar som ungane delte ut på sjukeheimen, me gjekk i luciatog og song luciasongen. Sjiraffane song òg nokre julesongar.
Sjiraffane har blitt inspirerte av Revane som er naturvakter 😉 Dei fann sjølve ut at dei ville plukka bos langs vegen og var kjempe ivrige.
Første torsdagen i kvar månad treffast dei eldste barna frå alle tre barnehagane for å bli litt kjende før dei skal byrja på skulen saman. Denna gongen møttes dei i Hundremeterskogen. Dei leika først litt der, før me gjekk saman til ungdomskulen. Me åt nista vår der, og etterpå gymma me. Dei leika Hauk og due, Haien kommer, balanserte, klatra og hoppa, kasta erteposar og tok situps.
Laga skattekista som dei skulle ha til lunsj.
Revane fekk to nye oppdrag frå Ugla; dei skulle sjå etter spor frå dyr i skogen og dei skulle samla kongler. Revane fann dinosaur- og isbjørnspor 😉
Det var kjempe kjekt å komma opp til snøen i Njøsadalen 🙂
Me fann ein koseleg liten plass i skogen der me laga bål og varma skattekistene våre. Det smakte kjempe godt med varm mat.
Revane syns det var kjekt å aka ned og klatra opp att små bakkar dei fann i skogen. Etter leik i snøen smakte det godt med varm kakao før me gjekk ned att.
Maling og baking
Første snødagen 🙂
Sommarfuglane og Revane fekk høyra forteljinga om Buddha og såg på nokre kunstbilete. Etterpå hadde me tre rolege aktivitetar; yoga, massasje og fargelegging av Mandala.
Til lunsj åt me nan og kjempegod kyllinggryta med ris til.
I samband med fagnettverket Natur, miljø og teknikk vart Sjiraff-gruppa invitert til å besøka Vangsnes barnehage tysdag 17.november.
Vangsnes barnehage har eit flott turområde og ville syna oss leirplassen sin. Det var veldig kjekt å gå tur i skogen og bli utfordra i ulendt og bratt terrreng.
Bygga med tømmer og saga var populære aktivitetar som dei samarbeida godt i på tvers av barnehagane.
Det vart laga varm lunsj på bål og det vart tid til mykje leik i skogen.
Stavangersuppe med currypaste til 12-14 personer
Det var godt å komma inn og varma seg litt før heimreisa. Me fekk kjempe god eplekaka, såg film og fekk omvisning i barnehagen.
En av mine oppgaver i praksis var å gjennomføre et lokalt utviklingsarbeid i barnehagen. Jeg valgte tema demokrati, med fokus på nærmiljø og samfunn. De eldste barna var med på dette lokale utviklingsarbeidet.
Gjennom flere samlinger hadde vi samtaler om temaet demokrati. Vi snakket om blant annet hvem som bestemmer i Norge, kongen sin rolle og Norges lover.
Som grunnlag for videre arbeid med temaet brukte jeg historien om dyrene i Hakkebakeskogen som hadde møte i skogen .
Vi besøkte Fylkeshuset; der fikk vi møte ordføreren og fikk omvisning i fylkesarkivet. Vi fikk også besøke fylkesordføreren og høre om hvilke ansvar og oppgaver ho har.
Gi barna anledning til meningsfylte møter med personer, arbeidsplasser og institusjoner i barnehagens nærmiljø og sørge for at barna får bearbeide og utdype sine oppleveleser (Rammeplanen, 2011:48).
I barnehagen driver me kvar dag med mange ulike fin- og grovmotorikske aktivitetar både gjennom leik og vaksenstyrte aktivitetar.
Ein morgon sat nokre ungar saman med to vaksne og leika med plastelina. Den eine vaksne hadde sin andre dag med språkpraksis i barnehagen vår. Det var ei fin stund der dei brukte konkretar til å kommunsisera og sette ord på det dei laga; på bilete ser me blant anna reven som lusker på høna.
Det er kjekt med nokre regnversdagar innimellom, so me får plaska i søledammar!
Spennande å lista seg over brua over den store fossen; me ville ikkje vekka trollet…
Torsdag tok Revane, Sommarfuglane og 3 ungar frå avd. Oppe turen til Pilavika. Revane, som er naturvakter, fekk i oppdrag frå Ugla å samla ting frå naturen som dei kunne ta med tilbake til barnehagen og laga noko av det. Ungane foreslo at dei kunne laga ugler. Dei samla òg bos som me tok med tilbake og kasta.
Ungane var òg med å laga pagodebål og blomkålsuppe.
Alle ungane fekk vera med ut i robåten og fiska; me fekk til og med ein liten fisk 🙂
Det var ein nydeleg haustdag ved og utpå fjorden.
Onsdag hadde avdeling nede ein flott dag på Njøs 🙂 Ungane var med å laga eit tre-rettars måltid på bål. Dei delte opp pølser til lapskausen, laga rundstykker, grilla pinnebrød og laga plommegraut til dessert.
1-åringane mala inni glas; dei tok maling inni, skrudde på lokk og so rulla og rista dei på glasa.
Ukulele-kameratane:-D
Shopping, inne- og uteleik.
På besøk til sjukeheimen.
Fisketur; alle kosa seg, fekk prøva å fiska med stang og dei fekk til og med ein liten makrell.
Bading
Tysdag var nokre sjiraffgutar og alle revane på tur til Pilavika. Dei fanga krabbe, samla steinar og hadde vasskrig.
På tur til båthavna.
Torsdag var alle sjiraffane på tur til båthavna. Alle fekk vera med ein liten tur i robåten til Jakt- og fiskelaget. Dei fekk òg prøva å fiska.
Avd. Oppe på tur til båthavna.
Båt og fisking
Avd. Nede på tur til Pilavika.
Fredag tok heile avd. Nede turen til Pilavika. Me markerte alle bursdagsbarna denna veka med kjempe god taco til lunsj i Pilavika.
Leik i Pilavika.
Me kosa oss med leik, utforsking og vasskrig 🙂
Mykje spennande i fjæra.
Me fann blåskjell, levande krabbe, dø krabbe, eit fiskehode, masse tanglopper, steinar, slipte glasbrot, pinnar og rekved.
Makrell
Nokre av sjiraffane fekk vera med å ro til Pilavika og nokre var med å rodde tilbake til båthavna. Då me rodde tilbake fekk me ein flott makrell. Det vart ein flott avslutning på ei super veka!
Smakte godt med steikt makrell!
I dag har nokre av ungane på avd. Oppe vore med å baka rundstykker og eplepizza. Det er mykje sansing og finmotorikk i det å baka, Dei har kjent på den mjuke deigen, dei harda frøa, lukta på kanel, smakt på rosiner og epler med kanel. Dei var ivrige på å hjelpa til med å trilla ut rundstykker, pensla dei med egg og strø på frø. Ungane var òg flinke til å dela opp eplene, strø på kanel og ta eplebitane og rosinene på pizzadeigen. Det smakte godt med nysteikte rundstykker, eplepizza og varm kakao til lunsj.
Måndag var halve sjiraffgruppa ute med båt og sette garn. Tysdag reiste den andre halve sjiraffgruppa ut med båt og tok opp att garna, og so møttes alle i Nybøstrondi. Det er ein tradisjon at dei eldste ungane i alle tre barnehagane i Leikanger har ein fiskedag i Nybøstrondi saman med Jakt- og fiskelaget om hausten. Det var ein kjempe fin og opplevingsrik dag.
Spanande å ha nærkontakt med fisk, fiskeegg, hai, blekksprut, sjøstjerne, kråkeboller, krabber og hummer.
Det var interessant å utforska alt me fekk i garna, og læra meir om nokre av dei ved å lesa i boka Livet i fjæra. Me fann blant anna ut at forskjellen på hokrabbe og hankrabbe er at hokrabben har ein brei hale på undersida, medan hankrabben har ein smal hale. Og so fann me ut at kråkebollene har munn med skarpe tenner på undersida.
Askedalen barnehage fekk to haiar i det første garnet dei trakk opp! Etter å ha studert dei ei stund i bassenget vart dei sleppt ut att i fjorden, og me kunne sjå dei symja avgårde.
Til lunsj smakte me grilla makrell og blekksprut, og kokt krabbe.
Det er mange som likar godt å spela ulike spel som Lotto og pusla puslespel. Aktiviteten fremmar konsentrasjon, turtaking og det å sjå samanhengar.
Tysdag gjekk Sommarfuglane på tur til Hundremeterskogen. Me fekk selskap av avd. Oppe på turen frå barnehagen til skogen. Sommarfuglane syns det var spennande å sjekka postkassene og husa til Ole Brumm og vennene.
Me åt lunsj og las ei bok om Ole Brumm før me gjekk tilbake til barnehagen.
4 flinke bakara som laga lapperøra. Me fann oppskrift på internett, fann fram alle ingrediensane, talde, målte opp, tømte oppi, delte egg og rørte.
Det smakte ekstra godt med lappar som var steikte på bålet.
Onsdag gjekk både avdeling Oppe og Nede på tur til parken ved Saften. Der vart det hopping på trampolina, balansering, sisten og bjørnen sover.
Me gjekk i små grupper og såg på kunstutstillinga til Anna Njøs og bøkene til Odd Njøs i Gamlehotellet. Det var mange flotte bilete som me snakka om.
Ungane syns òg det var spanande å sjå på eit gamalt kronespel som stod i der.
Sommarfuglane skal ha Ole Brumm som tema i år; utifrå det skal dei arbeida med fargar, årstider, tal, laga mat og gå turar. Tysdag starta me med å snakka om Ole Brumm og vennene, og so las me boka Hvor er honningen?
Etterpå gjekk me ut i hagen og plukka epler. So gjekk me inn og laga Uglas smuldredessert. Ungane delte opp eplene, blanda epler og kanel, blanda smør og havreryn og tok deigen oppå eplene. Me brukte honning i staden for sukker, og måtte soklart smaka på den:-)
Gjennom arbeidet med kommunikasjon, språk og tekst skal barnehagen bidra til at barna får eit positivt forhold til tekst og bilete som kjelde til estetiske opplevingar og kunnskapar, samtalar og som inspirasjon til fabulering og nyskaping (Rammeplanen, 2011:40).
Fredag inviterte avdeling Oppe avdeling Nede til teaterframsyning av eventyret Gullhår og dei tre bjørnane; det var stor stas 🙂
Gjennom arbeidet med kunst, kultur og kreativitet skal barnehagen bidra til at barna lærer å lytte, observere og uttrykkje seg gjennom allsidige møte med kultur, kreativitet og estetikk (Rammeplanen, 2011:44).
Ungane fekk vera med å sjå på, hjelpa til og smaka . Eplechipsa vart veldig gode.
Gjennom arbeidet med kommunikasjon, språk og tekst skal barnehagen bidra til at barna vidareutviklar omgrepsforståinga og bruker eit variert ordforråd ved at personalet legg til rette for meiningsfulle opplevingar og skape tid og rom for bruk av nonverbalt og verbalt språk i kvardagsaktivitetar, leik og i meir tilrettelagde situasjonar (Rammeplanen, 2011:40-41).
Ungane likar godt å vera på tur, og dei er flinke til å gå.
Gjennom arbeidet med nærmiljø og samfunn skal barnehagen bidra til at barna blir kjende med og deltek i samfunnet gjennom opplevingar og erfaringar i nærmiljøet (Rammeplanen, 2011:48).
Det har vore ein fin oppstart av nytt barnehageår med mykje fin leik.
Rolleleik
Ved å late som går barn inn i si eige førestellingsverd, tek perspektivet til andre og gir form til tankar og kjensler (Rammeplanen, 2011:32).
Personalet må vere tilgjengeleg for barn ved å støtte, inspirere og oppmuntre i leiken (Rammeplanen, 2011:32).
Eit leikefellesskap legg grunnlaget for vennskap (Rammeplanen, 2011:32).
Samarbeid
Forrige barnehageår hadde me innimellom massasjegrupper, og dette vil me fortsetta med og prøva å få til litt oftare i arbeidet med fagområdet etikk, religion og filosofi og kropp, rørsle og helse. Ungane likar det veldig godt. Dei blir tryggare på kvarandre og lærer seg både å gi og ta i mot omsorg, samtidig som dei slappar godt av og får strekt ut kroppen.
Sommarfuglane gjekk på tur til Pilavika og storkosa seg der ein nydeleg seinsommardag.
Dei leika med vatn, hadde vasskrig, klatra på svaberg og balanserte på glatte steinar, leita etter spanande ting i fjøra og plukka nyper.
Me hadde ein flott utedag på Njøs, Ungane klatra i tre og på fjell, leika rolleleik og hjalp til å rydda gras og laga bål.
Tre jenter som laga pepperkaker 🙂
Det smakte godt med tomatsuppe til lunsj.
Me las boka om fargemysteriet der Ole Brumm og vennene malar med gul, blå og raud, og so oppdagar dei lilla, oransje og grøne fotspor. Detta ville me òg utforska og fann fram malesaker.
Me brukte primærfargane gul, raud og blå, og ungane blanda fargane so det vart ulike lilla-, oransje-, grøn- og brunfargar.
Det vart mange flotte og faregerike maleri.
Forrige onsdag hadde dei eldste ungane i Askedalen, Nybø og Henjahaugane barnehage ein flott dag i Pilavika saman med Jakt- og fiskelaget. Alle ungane fekk prøva å fiska og alle fekk kvar si fiskestang
Mykje spanande å utforska.
Kjekt å sjå på sløying av fisk.
Fiskesuppe smakte godt til lunsj.
Medan me åt vart det mørkare og mørkare på himmelen, det byrja å lyna og tordna, regna og blåsa; det vart ein spanande avslutning på dagen.
GOD SOMMAR!
Me har teke eit par turar bort og sett på utgravingane på Hermansverk med dei ungane som har vore interesserte. Arkeologane har teke oss godt i mot og teke seg tid til å snakka med oss, svara på spørsmål og forklart kva dei gjere og kva dei har finne ut. Dei har funne restar etter stolpar der det meinar det har stått hus i sein bronsealder/tidleg jernalder.
Forrige veka høyrde me nokre rare pipelydar frå ventilasjonsrøyret i taket på kjøkenet, og såg noko bevega seg i ein liten sprekk… Me trudde kanskje det var ei flaggermus; det var veldig spennande! Etter ei stund fekk me hjelp av ein veldig snill og hyggeleg mann som fekk tak i den:-) Det viste seg at det var ei liten måseunge som var veldig slapp etter å ha sitte fast ei stund. Den fekk litt vatn og fisk, og vart lagt tilbake i reiret på taket.
Som ein del av arbeidet i barnehagen med fagområdet , natur, miljø og teknikk tok me kontakt med Simas, for å høyra om me kunne komma på besøk. Me ville sjå kva som skjedde med boset som me sorterar. Det fekk me, og det vart ein fantastisk dag. Etter ei økt inne fekk me omvisning i kompostanlegget, der me fekk sjå at matavfallet vart omgjordt til matjord, og i papir og plasthallen. Me var 9 ungar som tilsaman vog 180 kg. Det fekk me bekrefta då me vog oss på vekta som bossbilane veg seg på.
Me såg «simasfilmen» og me fekk helsa på « simasbamsen «, som egentlig skulle kastast men som vart teken imot og gjenbrukt i Festingedalen.
Sortering av boset etter lunsj.
Så vart me overraska av eit frykteleg tordenvêr og me vart ståande vêrfast i plasthallen. Me vart til slutt henta og køyrde oppatt til bilane våre. Flott service.
Me avslutta dagen med is på kafe.
I går tok alle i Askedalen barnehage turen til kyrkja; me var invitert til blomstergudsteneste saman med Nybø og Henjahaugane bhg. Presten Egon ønskja å pynta kyrkja med vakre markblomster; so på vegen til kyrkja plukka me mange ulike blomster i ulike fargar.
Alle ungane følgde godt med og me song Alle fugler små, Blomster små, Eg har to hender, Kven har skapt alle blomane og Eg går og samlar solskin. Me fekk høyra gitar-, fløyte- og orgelspel. Det var ei fin stund i kyrkja.
Etterpå åt me nista vår i prestehagen, og leika litt før me gjekk tilbake til barnehagen.
Det var eit veldig stort tre i hagen som me målte kor mange ungar som måtte halda i hendene for å nå rundt det; det var 19. Og so undra me oss over kor høgt treet er; nokon meinte det måtte vera 100 meter, og me trur ikkje me var nok ungar til å nå toppen om me stod oppå kvarandre;-)
Alias er eit veldig lærerikt og kjekt spel. To og to er på lag, den eine skal forklara bilete utan å bruka det rette ordet og so skal den ander gjetta kva ordet er, og so byttar dei rolle i neste runde.
Bygga hytta er kjekt 🙂
Tysdag gjekk på på tur til Coop Byggmix for å kjøpa eit kubein.
Etterpå gjekk me bort i parken. Der leika me sisten, balanserte, hoppa på trampolina og kasta stein i elva.
Til lunsj laga me pizza:-)
Nokre av ungane oppe og nede lagde 17. mai- roser av pappfat. Først mala dei med rødt, kvitt og blått, so klypte dei ut ein sirkel og nokre fekk til å klyppa ut ein spiral, men mange måtte ha litt hjelp til det og til å forma rosa. Kjekt å prøva ein ny teknikk.
Fredag hadde me hinderløypa på Kleppa. Ungane kasta stein på blink, sprang sikk-sakk, balanserte, krøyp, klatra og hoppa.
Me måtte sjekka insektfellene våre, og i sirupboksen var det masse maur, to sneglar og ein edderkopp:-) Det var spennande å sjå på mauren som levde og greidde å komma seg ut av sirupen når me tok han ut av boksen.
Leik på Kleppa.
På torsdag hadde me rebusløp på Kleppa. Ungane vart delt i fire grupper og so sprang dei til kvar sin post. Der fann dei ein pose med rosa, blå og gule papirlappar med bokstavar på; desse bokstavane skulle dei setta saman til tre ulike ord. Orda var kongle, stein og pinne. Etterpå skulle dei finna desse tinga, og so springa tilbake til start med dei.
Tre flinke kjøkkenassistentar.
Til fruktstunda fekk ungane smaka steikt banan med sjokolade i, sjokoladekaka i appelsin og bakt eple fylt med marsipan, smør, brunt sukker, rosiner og valnøtter.
Det vart veldig populært å klatra opp fjellveggen og skli ned att; tøffe og flinke ungar.
Tur til Frækaland.
Me laga insektfeller med sirup i (og so måtte me soklart smaka litt på sirupen;-).
Onsdag stod det skattekista på menyen; og sidan det hadde regna dagen før fekk me lov til å bruka bålpanna vår. Det var veldig godt med grønsaker og fiskekaker bakt i folie med smør og ost.
Alltid kjekt å leika med gjørma og vatn 😉
Me er so heldige at me har fått låna Jakt- og fiskelaget si hytta på Kleppa denna veka. Der et ungane frukost, og so har me litt rolege aktivitetar som brettspel og teikning før me går ut.
Tysdag var me so heldige at Hans Christian som er kokk laga god mat til oss. På menyen stod det potetsuppa og brød med heimelaga kryddersmør.
Naturvev
Tur til Froskedammen.
Maur, egg, rumpetroll, håv.
Naturopplevingar og god, sunn mat er ein viktig del av Kleppaveka. Måndag var det fiskeburger som stod på menyen.
Det var spennande å gå på jakt etter heile leirduer.
Kjekt å sitta ute å mala på steinar.
Naturen gir gode moglegheitar for meistring og utfordringar.
Spikking er ein populær aktivitet.
Tysdag fekk nokre av ungane mala med primærfargane. Dei brukte både pensel, hendene og isopor til å mala med, og blanda ulike fargar.
Før påske snakka me litt om vår og nytt liv, og Revane sådde frø.
Alle har følgd spent med på om det har byrja å spira.
Etter påske har me fortset arbeidet ute. Me har laga til ein grønsakshage, og ungane er ivrige hjelpera. Dei graver i jorda, sår frø og vatnar. Det er spanande å sjå på makkane i jorda, og me snakka om at me må vera snille me makkane fordi dei gjere jorda porøs og god for grønsakene våre.
Ungane syns òg det er kjekt å hjelpa til med å samla saman løv og køyra det vekk.
Det vart mange fine påskekyllingar.
Her er eg hjå frisøren. Først fekk eg velga ein frisyre frå ei bok, so blanda dei ut fargen før dei tok fargen i håret mitt; eg vart veldig fin 😉
Ein dag me hadde fokus på fagområdet Natur, miljø og teknikk gjekk heile avdelinga opp til Njøs; me tok med oss nista og utstyr til å laga kolstiftar med.
Dei som ville fekk klyppa av greiner frå løvtre og spikka av barken på kvar sin kvist.
Me sette kvistane tett i tett oppi ein liten hermetikkboks, tetta med aluminumsfolie og sette boksen i bålet. Etter ca. 30 minutt var kvistane vorte til kolstiftar.
Alle som ville fekk prøva å teikna med kolstiftane; dei syns det var kjekt å prøva ein ny teknikk.
Det vart mange flotte teikningar og brev.
På Njøs finn ungane alltid på mykje kjekt; dei springer, rullar, klatrar, balanserar og sklir.
Det var stas å få leika med papp ute; dei samarbeida om å laga ulike hus.
Gjennnom arbeidet med kunst, kultur og kreativitet skal barnehagen bidra til at barna tek i bruk fantasi, krativ tenking og skaparglede (Rammeplanen, 2011:44).
Giraffane skreiv namnet sitt med plastelina.
Personalet må la barna møte symbol som bokstavar og siffer i daglege samanhengar og støtte barna når dei tek initiativ til å telje, sortere, lese, leikeskrive eller diktere tekst (Rammeplanen, 2011:41).
Giraffane spela butikkspelet; då får dei øving i siffer, myntar og rekning.
Fire flinke karar som monterte det flotte, nye leikehuset!
På fredag hadde me pysjamasfest i barnehagen; då gjekk alle ungar og vaksne i pysj og so hadde ungane med seg kosedyret sitt.
Me hadde fellessamling nede med godnatthistorie og godnattsongar. Samlinga starta med morosam dramatisering av forteljinga om Gullhår og dei tre bjørnane. Då fekk tre av kosedyra vera bjørnane i forteljinga:-)
Etterpå fekk alle stå framme og visa pysjen sin og fortelja om kosedyret sitt.
Samlinga vart avslutta med godnattsongar medan alle ungane låg og kvilte på golvet. Etterpå kosa me oss med gode bollar til lunsj på avdelingen oppe.
Tysdag var det fint vårver, og me bestemde oss for å ta med oss nista og tilbringa dagen ute. Me delte oss i aldersdelte grupper. Revane gjekk til Hundremeterskogen, Sommarfuglane gjekk på tur med dei Oppe, medan Giraffane gjekk til Njøs.
Giraffane tok ansvar, samarbeida og hjalp kvarandre 🙂
Ungane fekk prøva seg med sag og hagesaks.
Moro å klatra i tre og fjell, knusa stein og køyra traktor 🙂
Måndag var me so heldige at me fekk besøk av ei dama, Lidia, som dansa og ein mann, Celio, som spelte på ulike instrument. Dei reiser rundt til ulike barnehagar og framfører konserten Kongetromma for barn i alderen 3 – 5 år. Som førebuing skulle alle laga kvart sitt instrument. Giraffane laga regnstav, Revane laga blåsefløyte og Sommarfuglane laga knitrepapir. Me har òg høyrd forteljinga Kongetromma i samling.
Ungane skulle bruka instrumentet sitt når Celio spelte på det tilsvarande instrumentet.
Me fekk òg vera med å dansa saman med Lidia. Alle følgde godt med og syns det var kjekt med konsert i barnehagen:-)
Torsdag gjekk alle små og store frå Askedalen bhg til kyrkja. I kyrkja samlast det ungar frå Askedalen, Henjahaugane og Nybø bhg til ei koseleg adventstund. Me song julesongar, tende lys og høyrde forteljinga om Jesusbarnet.
Snømann:-)
Leik
Aking
Snølykt
Kjekt for store og små at snøen endeleg kom! Då vart det laga snømann og snøhola og det vart mykje aking.
I desember har me adventsamling kvar dag; då er det barnet som opnar adventspakke i fokus, me tenner lys, syng julesongar og høyrer juleforteljingar. I adventspakken får dei ei pepperkaka og ein lapp der det står ein julesong me skal synga.
Alle barna har bidrege i pepperkakehuslaginga; nokre har teikna korleis veggane og taka skulle sjå ut og nokre har pynta:-) Dette flotte pepperkakehuset og andre fine hus kan de sjå utsilt i vindauget til biblioteket.
Askedalen Barnehage AS 
