Torsdag 5.mars hadde skulekameratane treff på Kleppa. Der hadde dei felles samling med namnesong, dei leika i snøen, gjekk på ski, sklei på rompebrett og laga snøholer. Dei hadde med seg varm drikke på termos, og til lunsj grilla me pølser. Det var ein kjempe kjekk dag, med god stemning og fin leik. Slike opplevingar saman gir barna moglegheit til å bli kjende med kvarandre og utvikla venskap før dei skal gå i klasse saman.

• I barnehagen skal alle barn kunne erfare å vere viktige for fellesskapet og vere i positivt samspel med andre barn og vaksne. Barnehagen skal aktivt leggje til rette for utvikling av vennskap og sosialt fellesskap (Rammeplanen:22-23).

Fredag 6.mars reiste Revane på tur til Eggja. Der utforska dei naturen og fann dei spor etter rev og fuglar. Nokon meinte dei såg dinosaurspor også…. Forholda for aking var heilt supre på dei flotte bøane og ungane fekk ikkje nok. Det var så vidt me hadde tid til lunsj, då laga me bål og grilla pølser. Til dessert grilla me marshmallows – som var høgdepunktet i lunsjdelen. Ungane hadde ein flott dag saman, og me ser eit fint fellesskap i gruppa der ungane gir kvarandre ei hjelpende hand eller oppmuntrende ord når det trengst.

• For å ivareta barnas behov for leik skal personalet fremje eit inkluderande miljø der alle barna kan delta i leik og erfare glede i leik (Rammeplanen:20).

• Barnehagen skal bidra til at barna blir glade i naturen og får erfaringar med naturen som fremjar evna til å orientere seg og vere i naturen til ulike årstider (Rammeplanen:52).