Då vintervéret i januar ikkje har vore det beste, er me ekstra glade for gymtimen vår onsdagar. Her får me utfalda oss på bygda sitt største golv, med springing, klatring, hopping, balleik, rockeringar, dansing og regelleikar. Avdelingane samarbeider godt om korleis gymmen vert organisert og ungane tykkjer det er kjekt med ulike utfordringar, som fører til stor glede då dei mestrar.

• Barnehagen skal vere ein arena for dagleg fysisk aktivitet og skal stimulere rørslegleda og den motoriske utviklinga til barna (Rammeplanen:11).

• Gjennom arbeid med kropp, rørsle, mat og helse skal personalet vere aktive og nærverande, støtte og utfordre barna til variert kroppsleg leik og anerkjenne barnets meistring (Rammeplan:49-50).