Torsdag 12. september gjekk me på oppdagelsesferd i skogen over jakt- og fiskehytta. Der gjorde barna fleire spanande observasjonar, til dømes fann me plastboss som absolutt ikkje høyrer heime der! Dette passa nokon av naturvaktane på å plukka med seg, sidan det er deira oppgåve å passa på naturen. Me såg også blad som hadde gule og raude fargar, og så såg me mykje sopp. «Dette er teikn på at det er snart blir jul» sa ein Sjiraff..

Ein av revane har nyleg delteke på ein sopptur og lært litt om kva soppane heiter, og om dei er etande eller ikkje. Det har ført til at han har blitt barnegruppa sin soppekspert som dei andre barna henvender seg til når dei lurer på noko, – på denne turen fekk han mange spørsmål!

• Personalet skal sørgje for eit inkluderande fellesskap og leggje til rette for at barn kan bidra i eiga og andre si læring (Rammeplanen:22)

Når me stoppa og vurderte om me skulle snu, var det samstemt at me skulle gå vidare på stien. Til slutt var me komne heilt til Raudmålsgrindi! Barna imponerte stort i ulendt og sleipt terreng, med godt humør og hjelpsam innstilling. Når me kom tilbake til hytta venta tomatsuppe inne i hytta.

• Barnehagen skal bidra til at barna blir glade i naturen og får erfaringar med naturen som fremjar evna til å orientere seg og vere i naturen til ulike årstider (Rammeplanen:52).