Opplev Leikanger har invitert barnehagane til å pynte med eigne kreative formingsprodukt til haustens Fruktbare dagar. Sommarfuglane er godt igang, og nyttar epletrykk som metode. I djup konsentrasjon vert fargar sirleg blanda og påført epla. Å nytte pensel som arbeidsreiskap gir finmotoriske utfordringar, men det likar me!
Revane har valgt å avansere litt, dei har funne bilete av ein rev (sjølvsagt) og måtte sikte med epletrykket for å treffe der dei skulle. Sjiraffane lagar haustlykt og serviettrykk på kubbelys. Alle barna i sving for å bidra til den lokale haustfesten, me tykkjer det er stas å verte inkludert i det som skjer i bygda!

Nærmiljø og samfunn

• Gjennom utforsking, oppleving og erfaringar skal barnehagen bidra til å gjera barna kjende med sitt eige nærmiljø, samfunnet og verda. Barnehagen skal bidra til kunnskap om og erfaring med lokale tradisjonar (Rammeplanen:55)

Kunst, kultur og kreativitet

• Opplevingar med kunst og kultur i barnehagen kan leggje grunnlag for tilhøyrsle, deltaking og eige skapande arbeid (Rammeplan:50).