Den siste månaden har begge avdelingane hatt fleire turar til naturleikeplassen vår på Njøs og både ungar og vaksne tykkjer det er kjekt å koma opp der. Me har hatt med lunsj og to onsdagar har me hatt matgruppe der me laga suppe på bål.

7.mars deltok Edith og Camilla på fagnettverkssamling for Natur, miljø og teknologi i Balestrand. Dagen handla om korleis ein kan leggja til rette for utfordrande leik i naturen. Dei fekk tips til korleis ein kan laga naturleikeplass, noko me vil jobba med i tida framover.

I etterkant har dei, saman med barna, laga ei «venskapshuske» på Njøs. Venskap er viktig for vår psykiske helse og huska kan være ein god inngang til fine samtaler og fleirerelasjonar.  Bileta syner og ungar som deltek i prosessen.

• Barnehagen skal ha ein helsefremjande og førebyggjande funksjon og
  bidra til å jamne ut sosiale forskjellar. Barnas fysiske og psykiske helse skal
  fremjast i barnehagen (Rammeplanen:11).

Barna har vore med å rydde og saga ned tre som me kunne bruka. Dei har målt opp lengde på stokkane ved å bruka seg sjølve som «målereiskap» og dei passa på at alt vart gjort etter planen 🙂

• Gjennom arbeid med mengd, rom og form skal barnehagen bidra til
  at barna erfarer og samanliknar storleikar i omgivnadene (Rammeplanen: 53).

• Gjennom arbeid med natur, miljø og teknologi skal barnehagen bidra
  til at barna lagar konstruksjonar av ulikt materiale og utforskar kva moglegheiter
  reiskapar og teknologi kan by på (Rammeplanen:52).

• Gjennom arbeid med natur, miljø og teknologi skal barnehagen bidra
  til at barna får gode friluftslivopplevingar året rundt (Rammeplanen: 52).