Blåbær på strå

Forrige veka hadde me tre flotte dagar på Kleppa. Me fekk oppleva hausten på sitt beste; frisk haustluft, skodda som skapte trolsk stemning, sola som varma utover dagen, fine fargar i skogen, blåbær og tyttebær.

Naturopplevingar

Nærkontakt med dyr

Me har hatt tre dagar «duggletur»; me har brukt sansane og fantasien i nærkontakt med froskar, edderkoppar, sauer, bær, sopp, søledammar, myr, stein og pinnar.

• I barnehagen skal barna oppleve eit stimulerande miljø som støttar opp om lysta til å leike, utforske, lære og meistre. Barna skal få bruka heile kroppen og alle sansar i læringsprosessane sine (Rammeplan 2017:22).

Samhald

Leik i skog og mark skaper indre ro, aktive og fantasifulle ungar, samhald, gode minner og opplevingar.

• Barnehagen skal bidra til at barna blir glade i naturen og får erfaringar med naturen som fremjar evna til å orientere seg og vere i naturen til ulike årstider (Rammeplan 2017:52).