Nokre av ungane spelte Lotto ein morgon. Dei øvde seg på å venta på tur, trekka berre eitt kort om gongen, sei kva som var på bilete og finna bilete på brettet.

• Gjennom arbeidet med kommunikasjon, språk og tekst skal barnehagen bidra til at barna lyttar, observerer og gir respons i gjensidig samhandling med barn og vaksne (Rammeplanen, 2011:40).

Ein dag tok me med oss lunsj og gjekk bort i parken ved elva. Me hoppa på trampolina, balanserte, sprang rundt, plukka løvetann og blåste frøa, klatra opp bakken og aka på rumpa ned att.

• Gjennom arbeidet med kropp, rørsle og helse skal barnehagen bidra til at barna skaffar seg gode erfaringar med varierte og allsidige rørsler og utfordringar (Rammeplanen, 2011:42).