I går tok alle i Askedalen barnehage turen til kyrkja; me var invitert til blomstergudsteneste saman med Nybø og Henjahaugane bhg. Presten Egon ønskja å pynta kyrkja med vakre markblomster; so på vegen til kyrkja plukka me mange ulike blomster i ulike fargar.

• I arbeidet med natur, miljø og teknikk må personalet bruke nærmiljøet for at barna skal kunne observere og lære om dyr, fiskar, fuglar,insekt og plantar (Rammeplanen, 2011:45).

Alle ungane følgde godt med og me song Alle fugler små, Blomster små, Eg har to hender, Kven har skapt alle blomane og Eg går og samlar solskin. Me fekk høyra gitar-, fløyte- og orgelspel. Det var ei fin stund i kyrkja.

• Gjennom arbeidet med etikk, religion og filosofi skal barnehagen bidra til at barna blir kjende med religion, etikk og filosofi som del av kultur og samfunn (Rammeplanen, 2011:47).

Etterpå åt me nista vår i prestehagen, og leika litt før me gjekk tilbake til barnehagen.

Det var eit veldig stort tre i hagen som me målte kor mange ungar som måtte halda i hendene for å nå rundt det; det var 19. Og so undra me oss over kor høgt treet er; nokon meinte det måtte vera 100 meter, og me trur ikkje me var nok ungar til å nå toppen om me stod oppå kvarandre;-)

• I arbeidet med tal, rom og form må personalet resonnere og undre seg saman med barna om likskapar, ulikskapar, storleikar og tal og stimulere evna til å bruke språket som reiskap for logisk tenking (Rammeplanen, 2011:49).