Ein dag me hadde fokus på fagområdet Natur, miljø og teknikk gjekk heile avdelinga opp til Njøs; me tok med oss nista og utstyr til å laga kolstiftar med.

Dei som ville fekk klyppa av greiner frå løvtre og spikka av barken på kvar sin kvist.

• Gjennom arbeidet med natur, miljø og teknikk skal barnehagen bidra til at barna erfarer korleis teknikk kan brukast i leiken og kvardagslivet (Rammeplanen, 2011:45).

Me sette kvistane tett i tett oppi ein liten hermetikkboks, tetta med aluminumsfolie og sette boksen i bålet. Etter ca. 30 minutt var kvistane vorte til kolstiftar.

Alle som ville fekk prøva å teikna med kolstiftane; dei syns det var kjekt å prøva ein ny teknikk.

• Personalet må sørgje for at barna har tilgang til (…) variert materiale og verktøy for skapande verksemd (Rammeplanen, 2011:44).

Det vart mange flotte teikningar og brev.

På Njøs finn ungane alltid på mykje kjekt; dei springer, rullar, klatrar, balanserar og sklir.

• Naturen gir rom for eit mangfald av opplevingar og aktivitetar til alle årstider og i all slags vêr (Rammeplanen, 2011:44).